POPULI plurimi a nobis descripti sunt

POPULI plurimi a nobis descripti sunt

in quibus aliquot ita ab aliorum consuetudine recedunt, ut non inter homines, sed inter feras censen di videantur. In iis non nullos uti prodigiosos hic subicere libuit. POPULI PRODIGIOSI MONSTRUOSIVE, EX PLINIO, l. 6. Et 7. ET ALIIS SCRIPTORIBUS. Abarimi, (Abarimon nomen est regionis montis Imai) populi Scythiae, qui plantas adversas habentes cursu velocissimi sunt, Pliniô, l. 7. c. 2. auctore. Androgyni, populi Africae, utrôque sexu praediti, dextrâ parte viriles, laeva feminei. Anthropophagi, populi humanâ carne vescentes, non solum in Asia et Africa multis in locis reperiuntur, sed, quod mirum est, etiam in Italia fuêre; veluti Laestrygones apud Formias, et Cyclopes apud Aetnam montem Siciliae. Arimaspi, populi Scythiae unô oculô constantes in medio frontis: de quibus plura apud Herodot. trans mare Hyrcanum inter Massagetas et Sacas incolentes, teste Strabone. Arimphaei, populi Scythiae sive Sarmatiae Asianae, in montibus Riphaeis, calvi et simas nares habentes.

Artabatitae, populi Scythiae vagi veluti quadrupedes: de quibus Plin. l. 6, c. 30. Astomi, populi Indiae apud Gangis fluvii ortum montes incolentes, qui ore carentes, ut nomine ipsô declaratur, foramen habent exiguum, per quod respirant et cibum levissimum capiant, potius florum odore vitam degentes. Plin. l. 7. c. 2. et Strab. l. 15. Bilhiae, Populi Scythiae, quorum feminae duas habent in oculo puppillas; de quibus Aelian. in sua historia. Blenae, Claudiano, Bleptae Melae, l. 1. c. 4. et 8. Blemmyes Strab. et Plin. l. 5. c. 8. populi Aethiopiae apud Nilum, qui oculos in pectore habuisse feruntur. Budini, sunt populi Sarmatiae oculis caesiis, pediculos edentes. Cabri, sunt populi Germaniae quos Tacitus corpore durissimô fuisse et strictis artubus scribit, l. de morib. German. c. 30. Candei, sunt populi Troglodyticae, qui Ophiophagi dicuntur, quod solum serpentibus vescantur, teste Pliniô, l. 6. c. 29. Centauri, sunt populi Thessaliae ab omnibus scriptoribus, praesertim Poetis, memorati; quorum pars superior hominem, inferior equum referebat. Choromandae, sunt populi Indiae, quos Plin. l. 7. c. 2. sine voce stridentes esse, corpore hirtos, oculos glaucos habere dentesque caninos scribit. Cimmerii, sunt populi Sarmatiae, quos in perpetua caligine versari ferunt. Horum meminit Ovid. l. 11. Met. v. 592. Cyclopes, sunt populi Siciliae in monte Aetna, Vulcani ministri, quos unô oculô tantum praeditos, anthropophagos suisse ferunt. Cynamolgi Plinio, et Cynocephali, sunt populi Aethiopiae capita habentes canina. Vide Plin. l. 6. c. 30. Dardani sunt populi Mysiae, quorum feminae in viros mutatae leguntur, auctore Saxone Grammaticô. Enotocoeti, sunt populi Africae, quibus aures ad pedes usque demittuntur; de quibus Strabo, l. 17. Fanesii, sunt populi Oceani Septentrionalis, in insula Basiliae, qui aures tam patentes habent, ut totaiis corpora contegant. Plin. l. 4. c. 13. Gigantes, multis in locis reperti, ab omnibus scriptoribus memorantur, immoderatae seu monstruosae magnitudinis, uti apud Plin. l. 7. c. 16. sed et nostrâ tempestate in novo orbe inventi sunt in ea regione, quae in austrum vergit. Hos in Thessalia ab Hercule exstinctos refert Strabo. l. 7. Gymnites, sunt populi Aethiopiae, Troglodytis finitimi, in quavis corporis parte nudi vagantes, sic a nuditate dicti, De quibus Plinius. l. 6. c. 30. Hellusii, sunt populi Germaniae Septentrionales quos Tacit. in German. c. 46. solô vultu

homines, reliquâ parte corporis feris similes esse refert. Himantopodes, Indiae populi, quos serpendô incedere Plin. loc. sit. scribit. Hippocentauri, sunt populi Thessaliae, quorum meminit Plinius cum aliis. Vide Centauri. Hippopodes, sunt populi Basiliae insulae Septentrionalis, sic dicti quod pedes equinos habeant; Plin. l. 4. c. 13. Monoculi, populi, qui unô oculô praediti sunt, memorantur, sed ubi gentium sint, haud docent. Monomeri, sunt populi Septentrionales, qui unô crure velociter incedunt, ab Aulo Gellio referuntur, l. 9. c. 4. Monosceli, vero populi Aethiopiae, Troglodytis finitimi, qui unô crure saltuatim pernicissime moventur, plantam patentem habentes; unde et Sciopodes dicuntur, teste Pliniô, l. 7. c. 2. Nigrae, sunt populi Aethiopiae, Regem monoculum habere dicuntur ex Plinio, loc. cit. Nisicastes, et Nisitae, sunt populi Aethiopiae apud oram maris, ternis aut quaternis oculis praediti, memorantur a Plinio, l. 6. c. 30. Ocypodes, sunt populi Africae adeo veloces, ut cursu equos superent, teste Strabone, l. 15. Olabi, et Syrbothae, sunt populi Libyae, quos Plin. loc. cit. octonûm cubitorum altiudine constarescribit. Orientis populos intimos, alios sine ore, alios sine naribus, soramen unum, quô respirent, potum calamis, et grana avenae in cibum trahant, habentes, alios sine labris, alios sine lingua, et prosermone nutibus utentes, Plin. locô eôdem memorat. Oxiones, sunt populi Germaniae, quos Tacit. German. c. 46. facie tantum hominibus, ceterum feris similes esse refert. Pandorae, sunt populi Indiae, quibus Plinius in iuventute canescere, in senecta vero nigrescerecapillos, l. 7. c. 2. testatur. Paramedesiae, sunt populi Asiae, Bactrianis proximi, prorsus agrestes, ab eodem memorantur. Pharnaces, sive Pharmaces, sunt populi Aethiopiae quorum viri tabem sudore adferunt, feminae vel ipsô visu nocent, ut Plin. l. 7. c. 2. scribit. Ptoembari, populi sunt Africae, qui canem pro Rege habent, ut idem Plin. l. 6. c. 30. tradit. Pygmaei, sunt populi Indiae, orientalis cubitales, cum gruibus bellum gerentes, teste Pliniô, l. 7. c. 2. cum Strabone, Mela, l. 3. c. 8. et aliis: qui et alibi reperiri feruntur. Satyri, multis in locis, sed praecipue in montibus Indiae qui non aliô quam formâ hominem referant, corpore totô hirti ac villosi, pernicissimi in Cartadulorum regione, Plinio, eôdem locô. Sciopodes, sunt populi Aethiopiae, Troglodytis finitimi, qui tam latas plantas habent, ut illarum umbrâ se ab aestu et solis ardore tueantur; unde nomen assecuti sunt. Plin. l. 7. c. 2. Struthopodes, sunt populi Indiae, quorum viri cubitales, feminae plantas habent minimas, quasi struthionum.

Syrbothae, sunt populi Aethiopiae, octonum cubitorum magnitudi. ne constantes, ut Plin. l. 6. c. 30. refert. Tentyritae, populi Aegypti, qui solô olfactu et abspectu crocodilos fugare feruntur. Troglodytae, populi Aethiopiae, qui in speluncis degunt, ab omni hominum commercio abhorrentes, ut Pin. loc. cit. refert, cursu velocissimi.